नवीन ग्रंथ: गोचर ग्रहांच्या गुजगोष्टी (अचूक कलनिर्णयाची सोपी पद्धत)

-

मे २०२२ मध्ये Untold Planetary Transits हा ग्रंथ मी लिहिला. यामध्ये मी तयार केलेली व अनुभवलेली गोचर ग्रहांच्या योगातून निर्माण झालेली कालनिर्णयाची एक नवीन पद्धत मांडली. त्यावेळी मी दशा पद्धती आणि गोचर पद्धती एकत्र वापरत होतो. पण त्याबरोबरच दशा पद्धतीतील काही कोडी सोडवण्याचा प्रयत्न करत होतो. कालांतराने ती कोडी सुटली आणि दशा पद्धती आणखिनच अचूक झाली. पण त्याबरोबरच दशा पद्धतीच्या काही मर्यादा प्रकर्षाने लक्षात आल्या. आणि मी वापरत असलेल्या गोचर पद्धतीचे फायदेही लक्षात येऊ लागले. या सगळ्यामध्ये मी गोचर पद्धती आणखिनच सूक्ष्म पातळीवर नेऊ शकलो. या पद्धतीमध्ये आणखी काही बदल केले आणि दोन्ही पद्धती एकत्र कालनिर्णय करण्यासाठी वापरू लागलो.

अनुभवाने ही पद्धत एवढी सूक्ष्म झाली की मी अनेक घटनांच्या तारखांपर्यंत जाऊन पोहोचलो. माझे वडील गेल्या वर्षी आजारी होते, तेव्हा पुढील ६ महिन्यामध्ये त्यांना रुग्णालयात केव्हा दाखल करावे लागेल याच्या तारखा घरच्यांना आधीच सांगून ठेवल्या आणि त्या सगळ्या तारखा तंतोतंत जुळल्या. या अनुभवानंतर ही पद्धत नव्याने वाचकांसमोर मांडावी हा विचार तीव्र झाला.

     शक्यतो एक तरी ग्रंथ मराठीतून दरवर्षी प्रकाशित करेन असा संकल्प रामलल्ला प्राणप्रतिष्ठा दिनी २०२४ मध्ये मी सोडला होता. त्यानुसार हा ग्रंथ इंग्रजी ऐवजी मराठीतच प्रकाशित करावा असा विचार मनात दृढ झाला. पण २२ जानेवारीपर्यंत ग्रंथ प्रकाशित होणे शक्य वाटत नसल्याने राम नवमी पर्यंत तरी हा ग्रंथ प्रकाशित करावा असा संकल्प सोडला आणि कामाला लागलो. त्यानुसार काहीही आडपडदा न ठेवता माझे सर्व अनुभव अगदी भाऊंच्या पत्रिकेसकट या ग्रंथामध्ये मांडलेले आहेत. मला अशी आशा आहे की आपल्या सर्वांना हा ग्रंथ अतिशय उपयुक्त ठरेल.

या ग्रंथाबद्दल अधिक माहिती खालील विडियोमध्ये आहे.  

हा ग्रंथ Amazon वर उपलब्ध आहे.  आपला अभिप्राय नक्की कळवा. (https://www.amazon.in/gp/product/819622222X)



Comments

Post a Comment

Popular posts from this blog

पुनर्जन्माच्या सत्यकथा: सनातन धर्म आणि ज्योतिषशास्त्राच्या दृष्टीतून पूर्वजन्म आठवणाऱ्या व्यक्तींचा अभ्यास

-
Image
  पुनर्जन्म या विषयाबद्दल उत्सुकता असणाऱ्या सर्वांसाठी हे पुस्तक उपयुक्त आहे. सनातन धर्मामधील संस्कार आणि क्रिया यावर आपली श्रद्धा असल्यास या पुस्तकामुळे ती दृढ होण्यास मदत होईल. पण जर आपल्याला त्याबद्दल शंका असेल तर हे पुस्तक आपल्याला नवीन दृष्टिकोन देऊ शकेल. पुनर्जन्म असतो का? जीव आणि आत्मा यात काय फरक आहे? मृत्यूनंतर आत्म्याचे काय होते? स्वर्ग असतो का? श्राद्ध करण्याने खरंच काही उपयोग होतो का? सनातन धर्मामधील अन्त्यसंस्कार करण्याची आवश्यकता आहे का? सद्गती मिळवण्याचा खात्रीशीर मार्ग कोणता? एखादी व्यक्ति अत्यवस्थ असता आपण काय करू शकतो? मृत्यूनंतरचे जीवन कसे असते? पूर्वजन्मामधील कर्माचा पुढील जन्मामध्ये कसा परिणाम असतो? हा परिणाम पत्रिकेमध्ये कुठे दिसतो? सद्गती मिळण्यासाठी आपण काय करू शकतो? या जन्मामधून आपण पुढील जन्मामध्ये काय नेतो? जुळ्या मुलांचे जन्म कसे ठरतात? त्यांच्या पूर्वजन्मामधील पत्रिका कशा असतात? जन्मखुणा का असतात? जन्मदोष का निर्माण होतात? पुनर्जन्माबद्दल शास्त्र ग्रंथ काय सांगतात? कर्माचे प्रकार कोणते? या जन्मामधील इच्छांचा पुढील जन्मावर परिणाम कसा होतो? पुनर्जन्म को...
Read more

मराठी ग्रंथ: वैदिक नक्षत्र ज्योतिष

-
Image
 वैदिक ज्योतिषामध्ये नक्षत्रांना अनन्यसाधारण महत्त्व आहे. वैदिक ज्योतिषाच्या काही शाखांमध्ये नक्षत्रे मुख्यत्वाने उपयोगात आणली जातात पण सर्व शाखांमध्ये त्यांचा वापर विशेष दिसत नाही. नक्षत्रांची संख्या राशींपेक्षा दुपटीहून जास्त असल्याने काहींना नक्षत्र ज्योतिषाचा अभ्यास आव्हानपूर्ण वाटू शकतो. वैदिक ज्योतिष मुख्यत: नक्षत्रावर आधारित होते आणि काळाच्या ओघात ते राशी आधारित झाले असावे. हे सहज घडलेले स्थित्यंतर आहे की जाणीवपूर्वक केलेला प्रयत्न हे कळायला काही मार्ग नाही. वेद हे ज्ञानाचे भंडार आहे यात दुमत नाही पण वेदांचा अर्थ कसा समजायचा हे मात्र मोठे आव्हान आहे आणि यामुळेच आपली वेदांची समज सीमित राहीली आहे. आनंदाचा भाग असा की वेद आपल्यापर्यंत परंपरेने आले आहेत आणि आपण त्याकडे नविन दृष्टिकोनातून पाहू शकतो. नक्षत्रें हा मुहूर्त ज्योतिषाचा अविभाज्य भाग आहे आणि त्याचबरोबर तो वैदिक संस्कृतीचा सुद्धा अविभाज्य भाग आहे. त्यामुळे नक्षत्र आणि वैदिक संस्कृती सहजच एकमेकांशी जोडली गेली आहेत. माझा असा समज आहे की वैदिक ज्योतिष आधी रोजच्या व्यवहारात उपयोगात येउु लागले आणि नंतर त्याचा उपयोग वैयक्त...
Read more